«Жаңартылған білім мазмұны: қашықтықтан оқыту жағдайында»
Әлемді дүр сілкіндірген оқиға , бұл – еліміздегі мегаполистердің жабылуы, жұмыстың тоқтауы, қоғамдық шаралардың кейінге шегерілуі – бәрі біздер үшін күтпеген жаңалық болды. Ал ең үлкен өзгеріс – мектептердің қашықтықтан оқытуға көшуі. Оқушы емес, біздер, мұғалімдердің көкейінде сауал көп болды. Дегенмен де іштегі үрей , қорқынышқа қарамастан алға қарай қадам жасадық.
Білім беру ел болашағы үшін аса жауапты үрдіс екені бәрімізге мәлім. Ал қазіргі жағдайда білім беру үрдісін қашықтықтан ұйымдастыру – заман талабы деуге де болады.
Б. Атыханұлы атындағы №36 гимназия ұжымы үшін бұл да бір жаңа белес, жаңа шың болып отыр.
13 мамыр күні гимназия басшысы А.М.Ақсерікованың қолдауымен тірек мектеп ретінде ұстаздарымыз «Жаңартылған білім мазмұны: қашықтықтан оқыту жағдайында» тақырыбында онлайн семинар өткізіп, іс-тәжірибелерімен бөлісті. Семинарға Алмалы ауданына қарасты магниттік қазақ мектептерінің мұғалімдері қатысып, өз ойларын да ортаға салды.