22
қыркүйек
2022
Ахмет Байтұрсыновтың 150-жылдық мерейтойы
Биыл халқымыздың көрнекті қоғам қайраткері,ғалым,аудармашы Ахмет Байтұрсыновтың 150-жылдық мерейтойы ЮНЕСКО көлемінде аталып өтіп жатыр.Осы орайда Б.Атыханұлы атындағы 36 гимназияда ҚР еңбек сіңірген өнер қайраткері Гүлшара Есетқызының ұйымдастыруымен және гимназияның өзін-өзі басқару ұйымының атсалысуымен Ахмет Байтұрсыновтың 150 жылдығына арналған "Көркем сөз-көңіл тілі"атты поэзия кеші өткізілді. Кеш жүргізушілері Ахмет Байтұрсыновтың өмірбаянымен таныстырып,кеш қонақтарына ұлт ұстазының жүріп өткен дара жолын баяндады.Кеш барысында оқушылар қазақтың айтулы перзенті Ахмет Байтұрсыновтың көркем шығармаларын,мысал-өлеңдері мен әндерін орындап,өздерінің өнерімен көпшіліктің көңілінен шықты.Кеш соңында гимназия директоры Ақсерікова А.М Ахмет Байтұрсыновтың 150-жылдық мерейтойымен құттықтап,оқушылар мен ұстаздарға жылы лебізін білдірді.