“Білім басы бастауышта қаланар, білімменен әлемге жол салынар”

Бүгін бізде білім мен ғылымның негізі саналатын, әрбір адамның өмірінде ерекше орын алатын бастауыш білімнің маңыздылығын ұлықтау үшін  “Білім басы бастауышта қаланар, білімменен әлемге жол салынар” атты апталығымыздың ашылуы болды.

Бастауыш сынып – әр оқушының білімге деген қызығушылығы қалыптасатын, алғашқы қадамдары жасалатын ерекше кезең. Бұл кезеңде алынған білім – болашақта биік белестерге жетудің іргетасы. Сондықтан осы апталықта біз оқушылардың білімге деген ынтасын арттырып, шығармашылық қабілеттерін шыңдауға, жан-жақты дамуына бар күш-жігерімізді саламыз.

Апталық барысында түрлі қызықты шаралар, байқаулар мен танымдық сабақтар өтеді. 
Апталығымыз сәтті өтіп, білім мен тәрбие жолында үлкен қадам болсын!

Бастауыш кафедрасы.